Нарын жана Өзгөн райондорунда сел жүрдү. Бул тууралуу Өзгөчө кырдаалдар министрлигинен билдиришти.
Маалыматка ылайык, кечээ, 25-апрелде саат 23:30 чамасында катуу жааган жамгырдын кесепетинен Ош облусунун Өзгөн районунун Корсетти айылында сел жүрүп, 1 турак үйдүн короосун жана ички чарбалык унаа жолду каптаган, унаа жол ачык. Бүгүн Жарандык коргонуу комиссиясы тарабынан тактоо иштери жүргүзүлүүдө.
Ошондой эле алдын ала маалымат боюнча бүгүн, саат 9:30 чамасында Нарын облусунун Нарын районундагы Куланак айылында жаап өткөн жамгырдын кесепетинен Кур-Жылга коктусунан сел жүрүп, бир турак үйлөрдүн короосун каптаган.
Жериндеги кырдаалды билүү үчүн саат 9:50дө райондун акиминин орун басары, ӨКМдин Нарын райондук өзгөчө кырдаалдар бөлүмүнүн башчысы жерине чыгып кетишти.
АКШ тургундары аскердик колдоо көрсөтүүнү токтотууну талап кылышууда
АКШнын полициясы дүйнөдөгү согуштарга демөөрчүлүк кылууну каалабагандарды тынчтандырууга аракет кылууда. Нааразылык толкуну Калифорниядан Нью-Йоркко чейин жетти. Эл Израилге, ошол эле учурда Украинага аскердик колдоо көрсөтүүнү токтотууну талап кылууда. Алар «Согуш — жаман» экенин, адамдардын өлүмү үчүн төлөгүсү келбей турганын билдиришүүдө. Бөлүшүү:
