УКМК “Ак-Тилек” өткөрүү пункту аркылуу Кыргызстанга өтүп жаткан мыйзамсыз дары-дармектердин ири партиясын колго түшүргөн. Бул боюнча УКМКнын басма сөз кызматы билдирди.
Маалыматка ылайык, 18-январь күнү аталган пунктта “Вольво” автоунаасынан 450 куту кымбат дарылар табылган. Бирок, ага айыл чарба буюмдары деп документ түзүшкөн. УКМК дарылардын баасы 50 миллион сомдон ашык деп билдирүүдө. Учурда окуяга тиешеси бар кызмат адамдарын аныктоо аракети жүрүп жатат.
