Россиянын коргоо министри Сергей Шойгунун айтымында, украин армиясы былтыр 215 миңден ашык адамынан жана 28 миң куралынан ажыраган. Атайын операция учурунда Украинанын акыркы жылдагы жоготуулары тууралуу ал 9-январда өлкөнүн Куралдуу күчтөрүнүн жетекчилиги менен өткөргөн 2024-жылдагы биринчи жыйында билдирди.
Коргоо министрлигинин башчысы орус армиясы эң заманбап курал-жарактар, анын ичинде жасалма интеллект технологияларына жана жаңы физикалык принциптерге негизделген курал-жарактар менен жабдылышын уланта турганын айтты. Мындан тышкары, Шойгу жаңы жылдык майрамдарда эмгектенген аскер кызматкерлерине ыраазычылык билдирди.
