“Интер Майами” клубунун аргентиналык чабуулчусу Лионель Месси келечектеги “Алтын топко” талапкерлерин атады. Бул тууралуу чет элдик спорт басылмалары жазууда.
Лионель Месси: «Холанд, Мбаппе, Винисиус жана көптөгөн жаш оюнчулар жакынкы жылдары «Алтын топ» сыйлыгы үчүн ат салышат. Форвард ошондой эле “Барселонанын” 16 жаштагы жарым коргоочусу Ламин Ямалды бөлүп, ал буга чейин клуб үчүн маанилүү оюнчуга айланганын белгиледи.
Эске салсак, 30-октябрда аргентиналык футболчу карьерасында сегизинчи жолу “Алтын топ” сыйлыгына татыктуу болду. Ал буга чейин кубокту 2009, 2011, 2012, 2013, 2016, 2019 жана 2021-жылдары жеңип алган.