Франциянын “Пари Сен-Жермен” футболдук клубунан кеткенин жарыялаган Лионель Месси америкалык “Интер Майами” командасына өтөт. Бул тууралуу Би-Би-Си билдирди.
Маалыматка ылайык, Америкалык клуб менен келишимде “Adidas” жана “Apple” сыяктуу бренддер менен да келишимдер бар.
Лионель Месси Европада дагы бир сезон калууну каалаган, бирок алгылыктуу сунуштар жетишсиз болгон. Жыйынтыгында ал «Интер Майами» менен Сауд Аравиясынын «Аль-Хилал» командасын тандоо алдында калды.
Белгилей кетсек, 35 жаштагы Лионель Месси дүйнөнүн эң мыкты оюнчусу үчүн берилген “Алтын топту” жети жолу жеңип алган. Ал эми Аргентина курама командасы чемпион болгон дүйнөлүк чемпионатта ийгиликке жеткенден кийин быйыл дагы аны алат деп күтүлүүдө.
