“Интер Майами” клубуна өткөн Лионель Месси АКШдан кыймылсыз мүлккө ээ болду. Аргентина курама командасынын капитаны Флорида штатынын Форт-Лодердейл шаарынан үй сатып алды.
Лионель Месси ак сарай үчүн 10,75 миллион доллар төлөгөн. Футболчу жыл сайын 83,4 миң мүлк салыгын төлөшү керек.
Мессинин жаңы үйүнүн аянты 975 чарчы метрди түзөт. Үйдө 8 уктоочу бөлмө, 9 жуунучу бөлмө, бассейн жана үч унаага ылайыкталган гараж бар. Мындан тышкары фитнес-центр жана спа-салон бар.
Эске салсак, Лионель Месси июнь айында “Пари Сен-Жермен” клубунан “Интер Майамиге” өткөн. Жаңы клубунда 36 жаштагы футболчу Лига Кубогун жеңип алган .
