Кыргыз балбандары Россияда өткөн эл аралык турнирде 7 медаль утту. Бул тууралуу Бишкек мэриясынан билдиришти.
Маалыматка ылайык, Раатбек Санатбаев атындагы олимпиадалык резервдеги адистештирилген балдар-өспүрүмдөр мектебинин тарбиялануучулары эмгек сиңирген машыктыруучу Анатолий Тарасовдун жаркын элесине арналган грек-рим күрөшү боюнча эл аралык турнирге катышты. Турнир 21-декабрдан 23-декабрга чейин Россиянын Нижний – Тагил шаарында өткөн.
Мелдештин жыйынтыгында спортчулар 7 медалга ээ болушту:
63 кг салмакта Сабит Шамшединов – алтын;
130 кг салмакта Рустам Садыков – алтын;
55 кг салмакта Смадияр Жумакадыров – күмүш;
97 кг салмакта Нарту Абдурахманов – күмүш;
67 кг салмакта Чолпонбек уулу Сыймык – коло;
67 кг салмакта Динмухамед Бегелдиев – коло;
72 кг салмакта Сүймөнкул Икрамов – коло.