2023-жылдын 11 айында Кыргызстандын коммерциялык банктары былтыркы көрсөткүчтөн 1,6 млрд сомго көп ипотекалык насыя беришти. Бул тууралуу Улуттук банктын маалыматында айтылат.
2022-жылдын январь-ноябрь айларында берилген кредиттердин жалпы көлөмү 9,8 млрд сомду түзсө, 2023-жылдын ушул эле мезгилинде бул көрсөткүч 16,2%га өсүү менен 11,4 млрд сомго жеткен.
Белгилеп кетсек, сентябрь айы берилген ипотека боюнча рекорддук ай болуп чыкты. Бул айда 1 млрд 551 миллион сомго ипотека берилген.
Жалпысынан 2023-жылдын ноябрь айынын аягында кыргызстандыктар ипотека боюнча 29,7 млрд сом карыз.
