Бүгүн, 1-декабрда Аламүдүн базарынын сатуучулары нааразычылык акциясына чыгышты. Алар контролдук-кассалык аппараттардын киргизилишине каршы экендиктерин билдиришүүдө.
Нараазычылык акциясына «Таатан», «Азиз» жана «Чынар» базарларынын сатуучулары дагы кошулганы кабарланды.
«Азыр баарыбыз эле соода жок отурабыз. Бизге азыр аябай кыйын. Мындан улам биз үчүн учурда патент менен иштөө ыңгайлуу. Биз эч нерседен коркпойбуз. Өзүбүздүн талабызды айтып чыгыш, биздин Конституциялык укугубуз”,- деп билдиришти алар.
Мындан мурда Дордой, Кара-Суу базарларында соодагерлер нааразычылык акциясына чыгышкан. Бүгүн Ош шаарында да өтүп жатат.