Кыргызстан улуттук курама командасынын жарым коргоочусу Гулжигит Алыкулов алматалык “Кайрат” клубунан кетти. Бул тууралуу клубдун расмий сайтында кабарлады.
Маалыматка ылайык, кыргыз футболчусу менен келишим тараптардын өз ара макулдашуусу менен токтотулган.
Алыкулов “Кайраттын” курамына 2020-жылы кошулган. Алматылык клуб менен футболчу Казакстан чемпионатын жана өлкө кубогун уткан.
Ошондой эле, УЕФА Конференция лигасынын тайпалык баскычында ойногон.
Белгилей кетсек, Алыкулов “Кайраттын” катарында 99 беттеш өткөрүп, 13 гол киргизип, 9 натыйжалуу пас чыгарган.
