2022-жылдын жыйынтыгы боюнча “Кумтөр” кенинин таза кирешеси 371 млн долларды түздү. Бул тууралуу президент Садыр Жапаров “Кумтөр Голд Компани” ЖАКтын 30 жылдыгына арналган салтанаттуу иш-чарада билдирди.
Анын айтымында, азыркы учурда “Кумтөр” бир мүнөт дагы ишин токтотпой, коюлган планды так аткарууда жана кенди мындан ары дагы өнүктүрүү боюнча стратегиялык максаттарды ишке ашырууда.
“2022-жылдын жыйынтыгы менен 17,3 тонна алтын казылып алынып, төлөнгөн салыктар жана милдеттүү төлөмдөрдүн суммасы 32,2 млрд сомду, ал эми таза кирешеси 371 млн долларды түздү”, – деди президент.