Бишкектеги Токтогул Сатылганов атындагы улуттук филармонияда эки күнгө созулган экинчи Элдик курултай аяктады.
Элдик курултайга Кыргызстандын президенти Садыр Жапаров, Жогорку Кеңештин төрагасы Нурланбек Шакиев, министрлер кабинетинин төрагасы Акылбек Жапаров, министрлер кабинетинин мүчөлөрү, мамлекеттик жана муниципалдык кызматкерлер, аймактардан шайланып келген 700гө жакын делегат катышты. Эки күндүн ичинде 129 делегат өз ой-сунуштарын айтууга жетишти.
Бүгүн курултайдын экинчи күнүндө делегаттар кайрадан жарыш сөзгө чыгып, түштөн кийин алардын суроолоруна мамлекет башчысы кеңири жооп берди.
Элдик курултайдын жыйынтыгында резолюция кабыл алынды.
