Улакчылар үчүн 210 гектар жерге заманбап ат майдан курулат. Бул тууралуу башкы прокурор, Эл аралык көк бөрү ассоциациясынын төрагасы Курманкул Зулушев Көк бөрү федерациясы өткөргөн конференцияда билдирди.
Анын айтымында, жаңы ипподромдун долбоору чийилип бүттү, ал 20 миң орундуу болот.
“Мурунку жумада президентибиз мени чакырып тапшырма берди. Аэропорт жактан 210 гектар жер сатып алып, заманбап ат майдан куруу боюнча бир-эки жумада өкмөттүн буйругу чыгат. Жаңы жылга чейин курулуш иштери башталып калса жакшы болот эле”, — деди Зулушев.
Жаңы ипподромдо аттарды багып, оюнга машыгып, улакчылар жана жумушчулар жашай турган шарттар түзүлөрү белгиленди.