Бишкекте бильярд боюнча Дүйнө чемпионаты өтөт
Бишкекте чоңдор арасында бильярддын “аралаш пирамида” түрү боюнча Дүйнө чемпионаты жана жаштар арасында “эркин пирамида” боюнча Дүйнө биринчилиги өтөт. Бул тууралуу Дене тарбия жана спорт департаментинен билдиришти.
Маалыматка ылайык, 22-25-февраль күндөрү жаштар арасында “эркин пирамида” түрү боюнча мелдештер болсо, чоңдор арасында “аралаш пирамида” 27-февраль күнү башталып 2-мартка чейин уланат.
Жалпысынан мелдешке дүйнөнүн 20га жакын өлкөсүнөн 200дөн ашык спортчу катышаары күтүлүүдө.
Кыргызстанда сасык тумоо менен ооругандардын саны азайды
Бир жумада республикада курч респиратордук вирустук инфекциялар жана сасык тумоо менен ооругандардын 6746 учуру катталып, өткөн жумага салыштырмалуу 6,5%га азайган. Бул тууралуу Саламаттык сактоо министрлигинен билдиришти. Маалыматка ылайык, 2023-жылдын 48-жумасынан баштап 2024-жылдын 4-жумасына чейин сасык тумоо мезгили байкалып, ал лабораториялык тастыкталган жана аны A/H3N2 тумоосунан шарттаган, эң жогорку деңгээли 52-жумада […]
