30-августка караган түнү Россия Федерациясынын Псков эл аралык аэропорту “Крест” (Украинадан 700 чакырым алыстыкта жайгашкан) учкучсуз учактардын чабуулуна кабылганын облустун губернатору Михаил Ведерников билдирди. Анын айтымында, орус аскерлери учкучсуз учактын чабуулун кайтарууда. «Окуя башталгандан бери мен өзүм окуя болгон жерде болдум. Алдын ала маалыматтар боюнча, жабыркагандар жок. Кыйроонун масштабы такталууда»,-деди облус жетекчиси.
Жергиликтүү тургундар жардырууларды жана автоматтык атышууларды уккан. Ар кандай маалыматтар боюнча аэропортко 10-20 учкучсуз учактар кол салган, аларды ок атуучу курал менен атып түшүрүүгө аракет кылып жатышат.
25ке чыга элек колукту алгандарга 12 миң сомдон берилет
Кытай бийлиги эгер жаңы үйлөнгөндөрдүн колуктусу 25 жашка чыга элек болсо, аларга миң юань же 12 миң сом төлөп берүүнү чечти. Мындай чара Кытайда акыркы 60 жылда биринчи жолу калктын азаюусуна байланыштуу. Кытайда акыркы жылдарда көптөрү баш кошууга ынтызар эмес. Көптөгөн кытайлыктар үй-бүлө кургандан кийин карьерасын уланта албай калгандан кооптонушат. […]
