Транспорт жана коммуникациялар министрлиги өлкөнүн ашууларындагы жолдордун абалы тууралуу маалымат берди.
Маалыматка ылайык, аба ырайынын бузулушуна байланыштуу бардык ашууларда жолчулар тарабынан күзөт уюштурулган. Учурда:
– Бишкек – Ош унаа жолунун Төө-Ашуу ашуусунда күн бүркөк, жол ачык;
– Чычкан капчыгайында жана Ала-Бел ашуусунда кар себелеп жатат, каттам ачык, чектөөлөр жок;
– Бишкек-Ош унаа жолунун Көк-Бел ашуусунда күн бүркөк, каттам ачык. №30 ЖТИ тарабынан күзөт бар;
– Суусамыр – Талас – Тараз унаа жолунун Өтмөк ашуусунда күн бүркөк, жол кыймылына чектөө жок, каттам ачык;
– Бишкек – Нарын – Торугарт унаа жолунун Долон жана Кызыл-Бел ашууларында ала-булут, унаа жол ачык;
– Бишкек – Нарын – Торугарт унаа жолунун Кубакы ашуусунда күн ачык, каттам ачык;
– Ысык-Көл облусунун Чоң ашуусунда ашуусунда күн бүркөк. Учурда ашуу ачык, каттам бар.
– Барскоон – Ак-Шыйрак унаа жолунун Сөөк ашуусунда күн бүркөк, каттам ачык;
– Ош облусунун Чыйырчык, Талдык, Тоң-Мурун, Кызыл-Арт ашууларында күн бүркөк, каттамдар ачык.