Аптанасаат: Сабырдуулук жөнүндө

Автор

Кудай Тааланын токсон тогуз атынын бири – сабыр. Демек, сабырдуу болуу – актыкка жетүүчү жолду тандап алуу. Биз барга да, жокко да, ачка да, токко да сабыр-канаат кылуу менен адамдык аброюбузду түшүрбөй жүрүп ийгиликтерге жетишебиз. Бекеринен ата-бабаларыбыз: «Сабыр түбү сары алтын»,– деп айтпаган чыгар. Сабырдуу адам көп нерсеге жетишет. Оор басырыктуу, токтоо болот. Бирөөгө ойлонбой туруп сөз бербейт. Кызуукандыкка алдырбайт. Ушак-айың сөздөргө алынып кетпейт. Бирөөлөрдүн артынан кыянат сүйлөбөйт. Көп нерсеге кечиримдүү болот.
* * *
Сабыр кылсаң эккен көчөтүңдүн мөмөсүн жейсиң. Сабыр кылсаң алтын аяктан суу ичесиң. Сабыр кылсаң кучагың гүлгө толуп, эмгегиңдин үзүрүн көрөсүң. Сабыр кылсаң эч ким жеталбаган бийиктикке жетип, асманга колуңду тийгизесиң. Сабыр кылсаң жан дүйнөңдө сыйкырдуу ыргактар жаңырып, баскан жолуңа атыр гүлдөр төшөлөт.
* * *
Ката кетирбейин десең сабыр күт. Сабырдуулук даанышмандыктын белгиси. Караңгы туюкка кабылбайын десең сабыр күт. Сабырдуулук акылдын чырагы. Азгырыкка кирип кетпейин десең сабыр күт. Сабырдуулук – ыймандын күзгүсү.
Акын Эгемберди Эрматов

Бөлүшүү:
Next Post

Пияз тууралуу кызыктуу фактылар

Пияз – ар кандай тамактарды даярдоо үчүн тамак жасоодо көп колдонулган даамдуу жана пайдалуу жашылча болуп саналат. Ал көптөгөн тамактарга даам жана даам кошуп, ден соолукка пайдалуу витаминдер менен минералдарды берет. Пияз көптөгөн азыктарды камтыйт, анын ичинде Ост жана Тхо6 витаминдери, фолий кислотасы, калий жана марганец. Анын антиоксиданттары клеткаларды бузулуудан […]

Сизге жагышы мүмкүн