АКШ россиялык өзөктүк куралдын Беларуссияга берилишин кескин айыптайт.
«Мен бул келишимди катуу айыптай турганыбызды айтам, бул биз Россиядан көрүп жаткан жоопкерчиликсиз жүрүм-турумдун дагы бир мисалы»,-деди Мамлекеттик департаменттин басма сөз катчысы Мэтью Миллер.
25-майда Беларустун президенти Александр Лукашенко республикага россиялык тактикалык өзөктүк куралдарды берүү башталганын билдирген.
Беларуссия менен Россиянын коргоо министрлери Виктор Хренин менен Сергей Шойгу Минскиде өзөктүк куралдарды Беларуссиянын аймагындагы атайын кампада сактоонун тартибин аныктаган документтерге кол коюшканы белгилүү болду.
Абу-Даби - Бишкек жаңы аба каттамы ачылат
1-июндан тарта Wizz Air Abu Dhabi авиакомпаниясы Абу-Даби – Бишкек – Абу-Даби багыты боюнча эки өлкөнүн борборун бириктирген үзгүлтүксүз авиакаттамдарды ачууну максат кылууда. Бул тууралуу «Манас» эл аралык аэрпортунан билдиришти. Маалыматка ылайык, «Манас» аэропортунан Бириккен Араб Эмираттарынын борборуна үзгүлтүксүз каттамдар биринчи жолу аткарылмакчы. Каттамдар Airbus Neo 321 учактары менен жумасына […]
