Жогорку Кеңештин Эл аралык иштер, коргоо, коопсуздук жана миграция боюнча комитети 2023-жылдын 16-мартында Анкара шаарында кол коюлган “Түрк Инвестициялык Фондун” уюштуруу жөнүндөгү макулдашууну ратификациялоо боюнча маселени карады. Комитеттин төрага орун басары Айбек Осмонов фонддорду ачууда геосаясий маселени аралаштырбоону сунуштап, “бизде “Орус-Кыргыз өнүктүрүү фонду”, “Кыргыз-Өзбек инвестициялык фонду”, “Кыргыз-Азербайжан фонду” сыяктуу фонддор бар. Ар кандай маселеден улам мамиле солгундап кетсе, фонддор аркылуу финансылык операция жүргүзүү кыйындап кетпесин. Ошондуктан, геосаясатты аралаштырбагыла”,- деди.
Аталган фондду уюштуру демилгеси түрк тилдүү өлкөлөрдүн бейформал жолугушуусунда көтөрүлүп, ага президент тарабынан кол коюлган.