23°
Өзгөн районундагы жер көчкүгө байланыштуу өзгөчө кырдаал жарыяланып, Карл Маркс айылынын 195 тургуну Куршаб айылына көчүрүлдү. Бул боюнча Өзгөчө кырдаалдар министрлигинин басма сөз кызматы маалымат таратты. 22-мартта Кызыл-Күңгөй тилкесинде болжол менен 1 млн куб жер көчкү орун алып, 18 үйгө коркунуч туудурган. Көчкү үйлөргө 300 метр гана жетпей калганы айтылат. Учурда көчүрүү иштерине байланыштуу 24 куткаруучу жергиликтүүлөрдөн 40 адам иштеп жатат. Аларга бир ХОВО унаа, 3 камаз жана 5 портер чегерилип берилген.
