19°
Өзбекстанда 2023-жылдын 1-сентябрынан тарта мектеп окуучулары 10-11-класстарда окуу үчүн предметтерди өздөрү тандай алышат. Бул жаңычылдык 2022-2026-жылдарга Жаңы Өзбекстанды өнүктүрүү стратегиясын ишке ашыруу боюнча мамлекеттик программанын бир бөлүгү болуп калды.
Сунушталган 14 предметтин ичинен жогорку класстын окуучулары 8 милдеттүү жана 2 факультативдик предметти, анын ичинде химия-биология, математика, физика, тарых-укук, эне тили жана адабияты жана чет тилин тандап алышы керек.
Өзбекстанда 2023-жыл «Элге камкордук жана сапаттуу билим жылы» деп жарыяланды. Мугалимдердин ар-намысын жана кадыр-баркын коргоо боюнча жоболор мыйзам чегинде бекитилип, мугалимдердин эмгек акысы көтөрүлдү. Ар бир предмет боюнча жаңы окуу куралдары, программалар иштелип чыгууда.
