Россия Украинадагы жаңжалды жөнгө салуу боюнча сүйлөшүүлөрдүн мүмкүн болгон ортомчуларынын бейтарап жана конструктивдүү сунуштарын кароого даяр. Мындай билдирүүнү Россиянын Венадагы элчиси Дмитрий Любинский билдирди.
Анын айтымында, Москва мүмкүн болгон ортомчулардын бардык чынчыл, олуттуу, бейтарап, терең ойлонулган жана конструктивдүү сунуштарын кароого даяр экенин баса белгиледи. Любинский Кытайдын сунуштарында мындай идеялар көп экенин кошумчалады.
Дипломат Россия Түркиянын бул багыттагы аракетин жогору баалай турганын белгилеп, «дан келишимин» мисал келтирди. Ошондой эле Африка өлкөлөрүнүн жана Ватикандын тынчтык демилгелерин эске салды.
Өз кезегинде Украина президентинин аппарат жетекчисинин кеңешчиси Михайло Подоляк Индонезиянын, Бразилиянын жана Африка өлкөлөрүнүн тынчтык демилгелери Россия менен сүйлөшүүлөрдү жүргүзүүгө мүмкүнчүлүк бербей турганын айтты. Подоляктын айтымында, сүйлөшүү процессин баштоо үчүн орус аскерлери чыгып кетиши керек.
