Россия менен АКШнын лидерлеринин жолугушуусу эки тараптын каалоосу жана даярдыгы болсо мүмкүн. Бул тууралуу мамлекет башчынын басма сөз катчысы Дмитрий Песков теле алып баруучу Павел Зарубинге билдирди.
Анын айтымында саммитти уюштуруу үчүн АКШ лидери Жо Байден Украина кризиси боюнча пикирин өзгөртүүсү керек.
Ошол эле учурда Владимир Путин бардык байланыштарга даяр экенин кошумчалады Песков.
Ал белгилегендей, эки өлкөнүн ортосундагы эки тараптуу мамилелердин кыйрашы АКШнын демилгеси менен болгон. АКШнын президенти башчысы позициясын өзгөртүп, конструктивдүү позицияны карманышы керек болот. Ошондо жолугушуунун шарттары бышып жетилет.
Песков Москва менен Вашингтондун мамилеси нөлдөн төмөн экенин белгиледи. Бирок, убакыттын өтүшү менен бул сүйлөшүү кайра жанданышы керек. Анткени Россия менен АКШ глобалдык жана стратегиялык туруктуулук үчүн өзгөчө жоопкерчилик тартарын баса белгиледи Песков.
