20°
Россиянын Коргоо министрлиги 10-апрелде сүйлөшүүлөрдүн жыйынтыгында туткунда турган 106 орус аскери кайтарылганын билдирди. Украин тарап туткундан 100 жоокери кайтып келгенин жарыялады.
Бошотулган аскер кызматкерлери Россиянын Коргоо министрлигинин медициналык мекемелеринде дарылануу жана реабилитациялоо үчүн жеткирилери кабарланды.
Украина президентинин аппаратынын жетекчиси Андрей Ермак Киев орус туткунунан 100 жоокерин кайтарганын билдирди. Ермактын айтымында, алардын арасында Мариуполь жана Гостомелдеги салгылашуулардын катышуучулары, ошондой эле «Азовсталь» заводунда болгон аскер кызматкерлери бар. Кайтып келгендердин айрымдары оор жаракат алышкан.
