Россияда мыйзамсыз жүргөн мигранттарга унаа айдоого, ошондой эле жеке ишкерлик кылууга жана кыймылсыз мүлк сатып алууга тыюу салынышы мүмкүн. Бул тууралуу өлкөнүн Ички иштер министрлигинин мыйзам долбоорунда айтылат.
Министрлик юридикалык жактарды жана жеке ишкерлерди каттоого, автоунаа же кыймылсыз мүлк сатып алууга тыюу салууну киргизүүнү сунуштоодо.
Октябрда Мамлекеттик Думанын депутаттары мигранттардын медициналык тейлөө тармагында, мектеп системасында жана таксиде иштетпөө керектигин билдирген.
Алар аталган тармактарда мигранттарды тартууга жол берилбестигин мыйзамдык жактан белгилөөнү сунуштап жатышат.
