Британиянын “Bonhams” аукционунун расмий сайты аргентиналык футболчу Лионель Мессинин испаниялык “Барселона” клубу менен түзгөн алгачкы келишиминин тексти жазылган салфетканын дээрлик 900 миң еврого сатылганын билдирди.
Маалыматка ылайык, спортчу алгачкы келишимине 13 жашында салфеткага кол койгону айтылат. Анын баасы 762 400 фунтка сатылды, бул болжол менен 889 781 еврону түзөт. Сатып алуучунун аты-жөнү айтыла элек.
Эске салсак, 2003-жылдан 2021-жылга чейин Лионель Месси “Барселонанын” жогорку даражасында ойноп, андан кийин Франциянын “Пари Сен-Жермен” футболдук клубуна өткөн.
Учурда Аргентина курама командасынын курамында учурдагы дүйнө чемпиону Түндүк Американын Интер Майами үчүн MLS лигасында ойнойт.
