Өлкөнүн Талас, Жалал-Абад, Нарын, Баткен жана Ысык-Көл облустарынын мамлекеттик жана муниципалдык жалпы билим берүү уюмдарынын жетекчилеринин бош кызмат орундарына конкурстук тандоонун жеңүүчүлөрүнүн тизмеси бекитилди. Бул тууралуу Билим берүү жана илим министрлигинен билдиришти.
Маалыматка ылайык, Баткен облусу боюнча 36 ваканттык орундун 12сине, Жалал-Абад облусу боюнча 83 ваканттык орундун 27сине, Ысык-Көл облусу боюнча 11 ваканттык орундун 9уна, Нарын облусу боюнча 9 ваканттык орундун 2нө, Талас облусу боюнча 6 ваканттык орундун 5нө жетекчилер тандалып алынды.
