Алай районундагы оорукананы 15 жылдай убакыт башкарган Талант Белекбаевди кызматтан алуу буйругуна саламаттык сактоо министри Алымкадыр Бейшеналиев кол койгон. Бирок, өткөн жуманын аягында башкы дарыгерди колдогондор оорукананын алдында нааразычылык акциясына чыгышты. Өздүк булактарыбызга билдиришкендей, министрдин жаңы буйругуна ылайык Дайыр Адыров дайындалганы менен аны Алай райондук мамлекеттик администрациясынан келген өкүл кызмат ордуна отургуза албай койгон.
Белгилүү болгондой, Талант Белекбаев айтылуу саясатчы Акматбек Келдибековдун аталаш тууганы. Ал боор ооруларын айыктырган дарыгер катары белгилүү.