26°
Кыргызстанда май айында бензин рыногунда баа литрине 1,5-2 сомго кымбатташы мүмкүн. Мындай божомолду Нефтетрейдерлер ассоциациясы билдирди.
«Бүгүнкү күндө орусиялык мунай продуктулары рыногунда бензин тобуна дүң сатуу баасынын өсүшү байкалууда. Жыл башынан бери бензиндин баасы дээрлик 35 пайызга кымбаттаган. ОПЕК+ мамлекеттери май айынан тарта мунайды өндүрүүнү суткасына 1,6 миллион баррелге кыскартуу чечимин кабыл алган. Батыш өлкөлөрүнүн Орусия Федерациясына каршы санкцияларды киргизүүсү менен мунай өндүрүү кескин кыскарды. Бул мунай продуктуларын өндүрүүнүн кыскарышына жана заводдун сатуу бааларынын жогорулашына алып келди. Жаз айларында Орусиянын мунайды кайра иштеткен заводдору пландык профилактикалык оңдоо иштерин баштагандыктан рынокто мунай азыгы азая түшөт», — деп айтылат маалыматта.
