22°
«Кыргызиндустриясы» мамлекеттик ишканасынын президенти Жарасул Абдураимов Эсептөө палатасын сотко берет. Бул боюнча Абдураимов депутаттардын суроолоруна жооп берип жатып билдирди. Парламенттин комитет жыйынында «Кыргызиндустриясы» ишканасы боюнча талкуу болуп, анда аталган мекеменин жетекчилиги сынга кабылган. Депутат Жеңишбек Токторбаев ишкана ачылгандан бери 1 млрд сом каражат максатсыз колдонулганын айткан. Жыйында кабыл алынган чечимге ылайык комитеттин кийинки көчмө жыйыны «Кыргызиндустрия» ишканасында өтөт. Депутаттар өндүрүлгөн товарларды жана жаңыдан ишке киргизилген заводдор менен таанышышат.
