11°
Жо Байден 2024-жылы АКШдагы президенттик шайлоодо жаңы мөөнөткө катышуу ниетин расмий түрдө билдирди.
«Ар бир муундун демократияны коргоого туура келген учурлары болот. Ошондуктан мен президенттик жарышка катышып жатам»,-деп баса белгиледи учурдагы лидер шейшемби күнү социалдык тармактагы баракчасында жарыяланган видео кайрылуусунда.
АКШнын азыркы вице-президенти Камала Харрис Жо Байден менен бирге 2024-жылдагы шайлоого катышууга даяр экенин ырастады. Бул тууралуу саясатчы шейшембиде билдирди. «Америкалыктар катары биз эркиндикке ишенебиз жана биздин демократия ал үчүн күрөшүүгө даярдыгыбыздай күчтүү болот деп ишенебиз. Ошон үчүн Жо Байден экөөбүз кайра шайлоо үчүн өз талапкерлигибизди көрсөтүп жатабыз”,-деди Харрис америкалыктарга кайрылуусунда.
