19°
Түркиядагы жер титирөөлөрдөн келтирилген экономикалык зыян 100 миллиард доллардан ашат деп бааланууда. Бул тууралуу Бириккен Улуттар Уюмунун өнүктүрүү программасынын өкүлү Луиза Винтон билдирди. Ал белгилегендей, жер титирөөлөрдүн натыйжасында кырсык болгон аймактан үч миллионго жакын адам жер которгон. Жер титирөө 600 миңге жакын имаратты кыйратты.
6-февралда Түркиянын түштүк-чыгышында күчү 7 баллдан ашкан эки жер титирөө болгон. Акыркы маалыматтар боюнча көз жумгандардын саны 46 миңден ашты.
