22°
Брюсселдеги саммиттин биринчи күнүнүн жыйынтыгы менен Евробиримдикке кирген өлкөлөрдүн лидерлери Украина боюнча жыйынтыктоочу билдирүүнү кабыл алышты. Алар Украинага аскердик колдоо көрсөтүүнү улантууну макулдашты.
Евробиримдик Киевге жардамды «керек болсо, ошончолук» көрсөтөөрү, бирок «айрым мүчө-мамлекеттердин коопсуздук жана коргонуу саясатынын өзгөчөлүктөрүнө зыян келтирбестен жана бардык мүчө-мамлекеттердин коопсуздук жана коргонуу кызыкчылыктарын эске алуу менен» көрсөтүлөрү белгиленген.
2022-жылдын 24-февралынан бери союздаштар Украинага жардам берүү үчүн 170 миллиард еврого жакын акча жөнөтүшкөн. Ошол эле учурда бөлүнгөн каражаттын жарымы финансылык жардам болсо, 40 пайызга жакыны аскердик жардам.
