19°
Бишкек шаарынын вице — мэри Нурдан Орунтаев УКМК да сурак берип жатканы маалымдалууда. Ал 25-май күнү да сурак берип чыккан. Белгилүү болгондой, Орунтаев «Батуми» кафесинин ээси жазган арыздын негизинде сурак берип жатат. «Батуми» кафесинин юристи белгилегендей, кафенин сметалык баасы 80 млн сом. Мыйзамсыз бузуунун негизинде келтирилген чыгым 9 млн сомду түзгөн.
Эске салсак, кечээ Жал кичи районунда шаардык кызматтар «Батуми» кафесин бузушкан. Кафе Тыналиев көчөсүндө жайгашкан, анын жалпы аянты 1,3 миң чарчы метрди түзгөн. Ал эми окуя болгон жерге президенттин тапшырмасы менен УКМКнын башчысы Камчыбек Ташиев барып, кырдаалды жөнгө салуу боюнча атайын кызматка тапшырма берген.
