Бишкектин “Ала-Тоо” аянтында жаңы жылдык балаты орнотула баштады. Бул тууралуу мэриядан билдиришти.
Маалыматка ылайык, шаар башчысы Ала-Тоо аянтынын аймагын кыдырып, борбордун башкы балатысынын орнотулушу менен таанышты.
Башкы балатыны “Тазалык” муниципалдык ишканасынын кызматкерлери орнотууда. Балаты быйыл да чоң фонтандын ордуна орнотулуп жатат.
Белгилей кетсек, былтыр өлкөнүн башкы балатысынын оту 16-декабрга жанган. Балатынын бийиктиги 25 метр, диаметри 12 метр, каркасына 1400 ийне жалбырактуу дарактардын бутактары бекитилет.