25°
Москвада өтүп жаткан Евразия экономикалык биримдигинин саммитинде Армениянын премьер-министри Никол Пашинян менен Азербайжандын президенти Илхам Алиевдин ортосунда кайым айтышуу болду.
Саясатчылардын ортосундагы түшүнбөстүктү Алиевдин «Зангезур коридору» деген терминди колдонгону себеп болгон.
Буга жооп катары Пашинян акыркы жылдары бул сөз айкаштары Арменияга каршы аймактык дооматтарды билдирүү үчүн колдонулуп жатканын айтты.
Алиев сөзүндө эч кандай аймактык доомат жок экенин жана ал колдонгон термин эл аралык практикада кабыл алынганын билдирди.
Армения менен Азербайжандын лидерлери Лачин коридорунун иштеши боюнча бир пикирге келишкен жок. Пашинян бул коридор тосулганын билдирди, Алиев буга макул эмес.
Тараптар Россиянын президенти Владимир Путинди элдештирүүгө аракет кылганы белгиленген. Ал карама-каршылыктарды камтыган терминология маанилүү экенин, бирок андан да маанилүүсү, аймактык бүтүндүк маселеси боюнча макулдашуу экенин билдирди.
