11°
Аксыдагы өрттөнүп жаткан оорукананын имаратынан 134 бейтап эвакуацияланды. Бул тууралуу Саламаттык сактоо министрлигинин басма сөз кызматынан билдиришти.
Маалыматка ылайык, саламаттык сактоо министри Гүлнара Баатырова Жалал-Абад облусуна жөнөп кетти.
«Жеринде Жалал-Абад облусунун саламаттык сактоо боюнча координатору көзөмөл жүргүзүп жатат, акыркы маалыматы боюнча, оорулулар башка бөлүмдөргө которулуп, эвакуацияланды, жабыркагандар жок. Бардык тийиштүү ич-чаралар жүргүзүлүп жатат. Жалпысынан төрт бөлүмдөн (реанимация, төрөт, хирургия, балдар) 134 оорулу эвакуацияланды», — деп жазылат министрликтин билдирүүсүндө.
