Кыргызстандын күрөш боюнча улуттук курама командасы Азия чемпионатына катышат. Бул тууралуу Дене тарбия жана спорт департаментинен билдиришти.
Маалыматка ылайык, мелдеш 7-14-апрель күндөрү Казакстандын Астана шаарында өтмөкчү. Аталган мелдеште кыз-келиндер күрөшү боюнча улуттук курама команданын мүчөсү Айсулуу Тыныбекова да катышат. Ал күрөшкөн 62 кг салмакта 11 балбан кыз күч сынашаары белгилүү болду.
Азия чемпионатында 62 кг салмакта күрөшө турган балбан кыздар:
Сяоцзюан Луо (Кытай)
Сонам (Индия)
Нонока Озаки (Япония)
Ирина Кузнецова (Казакстан)
Айсулуу Тыныбекова (Кыргызстан)
Субин Жо (Корея)
Оркхон Пуревдорж (Монголия)
Сачини Верадуваге (Шри-Ланка)
Син Пинг Пай (Кытайлык Тайбэй)
Дилфуза Айымбетова (Өзбекстан)
Ан Тует Тран (Вьетнам)
