31-августта аянттын аймагындагы унаа кыймылы саат 17:00дөн 00:00гө чейин чектелет. Бул тууралуу мэриядан билдиришти.
Маалым болгондой, Бишкектеги Ала-Тоо аянтында Кыргызстандын Эгемендүүлүк күнүн майрамдоого карата концерт өтөт.
“Чүй проспектисинин Панфилов көчөсүнөн Эркиндик бульварына чейинки бөлүгү жабылат”,— деп белгилешти муниципалитеттен.
Борбор калаанын мэриясы жарандардан келтирилген ыңгайсыздыктар үчүн кечирим сурайт жана каттамды алдын ала пландап алууну суранат.
