25°
Индиянын Одиша штатында 300гө жакын адамдын өмүрүн алган поезд кырсыгы электрондук блокировка системасынын өзгөрүшүнө байланыштуу болгон. Бул тууралуу Индиянын темир жолдор, байланыш, электроника жана маалыматтык технологиялар министри Ашвини Вайшнав билдирди.
«Биз окуянын себебин жана ага жооптуу адамдарды аныктадык. Бул электрондук бөгөттөөнүн өзгөрүшүнө байланыштуу болду»,-деген министр бийлик поезддердин кыймылын калыбына келтирүүгө көңүл буруп жатканын кошумчалады.
Электрондук блокировка же автоблокировка – бул темир жол поезддеринин ортосундагы аралыктарды автоматтык түрдө жөнгө салуу системасы.
