Кыргызстандагы 1873 айылдын 346 сында таза суу системасы курулган эмес. Ал эми 470 айылда система эскирип, жарактан чыгуу абалында турат. Таза суу менен камсыздалбаган аймактарга Ош жана Баткен облустары кирет. Мындай маалыматты Архитектура, курулуш жана турак жай коммуналдык чарба мамлекеттик агенттиги билдирди. Бирок, бийлик 2026-жылга чейин Кыргызстандын бардык аймактарын таза суу менен камсыздоону убада кылып келүүдө.
Министрлер кабинетинин төрагасы Акылбек Жапаров Европа жана Борбор Азия боюнча вице-президент Аннтонелла Бассени менен жолугушканда Кыргызстанда 232 айылда жана 27 шаарда жалпы суммасы 468,2 млн долларлык инвестициялык долбоорлор Дүйнөлүк Банктын салымы менен ишке ашып жатканын айтты.
