Эртең, 12-январда Катарда Кыргызстандын футбол боюнча улуттук курама командасынын катышуусу менен 2023-жылкы Азия Кубогу старт алат. Турнирге төрт командадан алты тайпага бөлүнгөн 24 улуттук курама катышат.
Тайпалык этаптын жыйынтыгы боюнча турнирдин плей-офф баскычына ар бир тайпадан эки мыкты команда, ошондой эле 3-орунду ээлегендердин ичинен 4 мыкты команда чыгат. Плей-офф баскычында командалар жогоруда көрсөтүлгөн схемага ылайык ойношот.
10-февралда Кубок үчүн финалдык – чечүүчү беттеши орун алат.
Кыргызстандын улуттук курамасы «F» тайпасында орун алган, Таиланд, Сауд Аравия, Оман курамалары менен кез келет.
Эске салсак, Азия Кубогу 12-январдан 10-февралга чейин Катардын 9 стадионунда өтөт.
