Штефан Таркович Бишкекке келип, Кыргыз футбол бирикмеси менен келишим түзүп, расмий түрдө улуттук курама команданын башкы машыктыруучусу кызматын ээледи.
Спорттук уюмдун маалыматына караганда келишим бүгүн, 2-майда түзүлүп, анын мөөнөтү 2024-жылдын 30-июнуна чейин эсептелген.
“Мага болгон ишеним үчүн Кыргыз футбол бирикмесинин президентине ыраазычылык билдирем. Бизде чоң пландар бар, бардыгын план боюнча аткарууга аракет кылабыз”, – деди словакиялык адис.
Эскерте кетсек, словакиялык адис Штефан Таркович Кыргызстандын футбол боюнча курмасынын башкы машыктыруучусу болуп 24-апрелде дайындалган. Мындай чечим Кыргыз футбол бирикмесинин аткаруу комитетинин жыйынында кабыл алынган.
