Азербайжанда кезексиз президенттик шайлоого байланыштуу шайлоо алдындагы үгүт иштери башталды.Республиканын мыйзамдарына ылайык, шайлоо алдындагы үгүт иштери добуш берүү күнүнө 23 күн калганда башталып, ага 24 саат калганда аякташы керек.
Президенттикке талапкерлер: башкаруучу Жаңы Азербайжан партиясынан көрсөтүлгөн учурдагы мамлекет башчысы Илхам Алиев. Өзүн өзү көрсөткөн Захид Оруж, Улуттук фронт партиясынан Рази Нуруллаев, Улуу Жаратуучулук партиясынан Фазил Мустафа, “Улуу Азербайжан” партиясынан Эльшад Мусаев, Азербайжан Бириккен элдик фронтунан Гудрат Гасангулиев жана өзүн өзү көрсөткөн Фуад Алиев.
Азербайжанда кезексиз президенттик шайлоо 7-февралда өтөт.
