Чүй облусунда жаңы окуу жылына карата 7 мектеп пайдаланууга берилет. Бул тууралуу президенттин аталган облустагы өкүлчүлүгү билдирди.
Маалыматка ылайык, Ысык-Ата районунда төрт, Аламүдүн, Сокулук жана Жайыл райондорунда бирден билим берүү мекемеси ачылат, алар:
Ысык-Ата районунун Логвиненский айылында 250 орундуу мектеп;
Ново-Покровка айылында 225 орундуу мектеп;
Ивановка айылында 150 орундуу мектеп;
Тогуз-Булак айылда 150 орундуу мектеп;
Аламүдүн районундагы Пригородное айылында 500 орундуу мектеп;
Сокулук районуна караштуу Мирный айылында 275 орундуу мектеп;
Жайыл районунун Сосновка айылында 225 орундуу мектеп.
