“Реал Мадрид” клубу франциялык чабуулчу Килиан Мбаппени сатып алды. Бул тууралуу атактуу спорт журналисти Хесус Карлос Мартинес Twitter баракчасына жазды.
Маалыматка ылайык, келишим жабык болгону айтылууда. “Реал Мадрид” клубу 224 миллион евро жана кошумча 56 миллион евро төлөйт. Бул трансфер футбол тарыхындагы эң кымбат трансфер болууда.
Буга чейин 6 же 7-июлда Мбаппе кыялын ишке ашырып, “Реалдын” оюнчусу болору айтылган.
Эске салсак, Килиан Мбаппе 2017-жылы жайында ПСЖнын оюнчусу болгон. Өткөн сезондо чабуулчу 43 оюнда 41 гол киргизип, 10 пас берген. Буга чейин Мбаппенин “Реалга” өтүшү тууралуу маалымат каражаттары бир нече жолу жазып чыгышкан. Ага эң жакыны 2022-жылы, ал бекер трансферге бара турган кези болгон. Бирок француз оюнчусу ПСЖ менен келишимди узартууну чечкен.
