30-октябрда Франциянын France Football жумалыгы дүйнөнүн эң мыкты футболчусуна кезектеги “Алтын топ – 2023” сыйлыгын тапшырат. Бул тууралуу дүйнөлүк спорт басылмалары дүйнө чемпиону Лионель Месси татыктуу экендигин байма-бай жазышууда.
“Алтын топ” сыйлыгын тапшыруу аземи 30-октябрда Парижде өтөт жана атак-даңктын бийиктигин да, салыштырмалуу унутулууну да, биригүү жана статусун калыбына келтирүүнү башынан өткөргөн сыйлык 67-жолу ыйгарылат.
Аргентина курама командасынын лидери Лионель Месси сегизинчи жолу “Алтын топту” жеңип алышы мүмкүн, деп маалымдайт испаниялык Diario Sport басылмасы. Добуш берүү учурунда Аргентина курама командасынын 2022-жылкы Дүйнө чемпиондугундагы жеңиши эске алынат, анткени былтыр сыйлык дүйнө чемпионаты башталганга чейин берилген.
Мыкты футболчу наамына 30 талапкер көрсөтүлгөн.
2022-жылы франциялык чабуулчу Карим Бензема карьерасында биринчи жолу “Алтын топту” жеңип алган. Сыйлыктардын саны боюнча рекорд (жети) аргентиналык Лионель Мессиге таандык.
Эске салсак, “Алтын топту” France Football 1956-жылы Европанын жылдын эң мыкты футболчусуна (спорттук журналисттер тобунун пикирине таянып) сыйлык катары негиздеген.2010-жылы ФИФА менен France Football “Алтын топтун” бириккенин жарыялаган. Алтын топ жана ФИФАнын жылдын мыкты оюнчусу сыйлыктары (улуттук команданын капитандары жана машыктыруучуларынын добушунун негизинде аныкталат.) 2016-жылдын сентябрь айында France Football ФИФА менен өнөктөштүгүн аяктаганын жарыялап, алгачкы жылдын мыкты оюнчусу системасына кайтып келген.