Пакистанда жаңы жылды палестиналыктар менен тилектештиктин белгиси катары майрамдоого тыюу салынганын Убактылуу өкмөт башчы Анваар-уль-Хак Какар билдирди. Саясатчы бейшемби күнү өлкөнүн бардык аймагында Жаңы жылды майрамдоого тыюу салынганын жарыялады. Бул чечим Израилдин ырайымсыздыгына дуушар болгон палестиналыктарга тилектештигине байланыштуу. «Пакистан эли кайгылуу абалда, ошондуктан азыркы кырдаалды эске алуу менен Пакистан өкмөтү Жаңы жылды майрамдоого тыюу салуу чечимин кабыл алды»,-деди премьер-министр. Какар пакистандыктарды 2024-жылдын биринчи таңын жөнөкөй тосуп алууга үндөдү.
Соңку кабар