Жайкы жана кышкы спорттун эл аралык федерацияларынын ассоциациялары спортчуларды 2024-жылы Орусияда өтө турган мелдештерди тааныбоого чакырды. Бул тууралуу Эл аралык олимпиада комитетинин(МОК) сайтында айтылат.
“Ар бир федерация мындай иш-чараларды өзүнүн эл аралык спорт календарына киргизүүнү кароодон баш тартышы керек жана спортчулардын бул мелдештерде жетишкен натыйжаларын тааныбашы керек” деп айтылат Эл аралык олимпиада комитетинин билдирүүсүндө.
Эске сала кетсек, келерки жылы Россия Федерациясында Келечек оюндары (21-февралдан 3-мартка чейин), БРИКС оюндары (12-23-июнь) жана Достук оюндары (15-29-сентябрь) сыяктуу эл аралык спорттук иш-чаралар өткөрүлөт.