Бразилиялык чабуулчу Неймар саудиялык “Аль-Хилал” клубу менен келишим түздү. Бул тууралуу чет элдик споррттук басылмалар жазууда.
Маалыматка ылайык, буга чейин 31 жаштагы бразилиялык футболчу менен эки жылдык келишим түзүлгөн. Пари Сен-Жермен өз оюнчусу үчүн 100 миллион евродон бир аз азыраак алат. Бүгүн Неймар медициналык текшерүүгө байланыштуу бардык керектүү процедураларды бүтүрүп, жуманын аягына чейин саудиялык клуб жайгашкан жерге келет. Аль-Хилалда ал онунчу номердин астында чыгат.
Эске салсак, Неймар ПСЖга 2017-жылы жайында “Барселонадан” рекорддук 222 миллион еврого өткөн. Француз клубунда 6 жыл ичинде бразилиялык 173 беттеш өткөрүп, анда 118 гол киргизип, 77 ассист берген. ПСЖ менен Неймар беш жолу Франция чемпиондугун жеңип, үч жолу Франциянын Кубогун жеңип алган.
